ທີ່ ສູນການແພດ ວັນ ເມດີຄໍ ແອນ ເວວເນັດ ເຊັນເຕີ, ພວກເຮົາເຊື່ອໝັ້ນວ່າການເບິ່ງແຍງສຸຂະພາບທີ່ແທ້ຈິງ ແມ່ນເປັນຫຼາຍກວ່າການປິ່ນປົວພະຍາດ ແຕ່ແມ່ນການຍົກລະດັບສຸຂະພາບບັນດາພົນລະເມືອງໃຫ້ດີຂຶ້ນໃນທຸກມິຕິຂອງຊີວິດ. ບໍ່ວ່າຈະເປັນໃນອົງກອນ, ທີ່ພັກອາໄສ, ຕະຫຼອດຮອດສະຖາບັນການສຶກສາ, ພາລະກິດອັນສຳຄັນຂອງພວກເຮົາ ແມ່ນການຮ່ວມສ້າງສັງຄົມທີ່ແຂງແຮງ ແລະສ້າງຮາກຖານສຸຂະພາບທີ່ດີ ໃຫ້ແກ່ຊຸມຊົນແບບຍືນຍົງ.

ພວກເຮົາມຸ່ງໝັ້ນທີ່ຈະມອບການບໍລິການດ້ານສາທາລະນະສຸກທີ່ຄົບວົງຈອນເພື່ອຮອງຮັບທຸກຊ່ວງໄວຂອງຊີວິດ ທີມີລັກສະນະຈໍາເພາະ. ຜ່ານການບໍລິການການປິ່ນປົວດ້ານການແພດເນັ້ນຄອບຄົວ, ຊຽ່ວຊານເດັກ, ຊ່ຽວຊານພະຍາດຍິງ ແລະການບໍລິການ ເຈັບປ່ວຍ ໃນຍາມສຸກເສີນ, ພວກເຮົາພ້ອມທີ່ຈະມອບການເບິ່ງແຍງທີ່ຕໍ່ເນື່ອງ ແລະ ໄດ້ມາດຕະຖານເພື່ອສ້າງຄວາມເຊື່ອໝັ້ນໃຫ້ແກ່ທຸກຄົນໃນຄອບຄົວ.

ການກວດສຸຂະພາບແບບປ້ອງກັນ, ການບົ່ງມະຕິພະຍາດໃນໄລຍະເລີ່ມຕົ້ນ, ຕະຫຼອດຮອດການໃຫ້ຄວາມຮູ້ ແລະ ຄຳປຶກສາດ້ານສຸຂະພາບແມ່ນຫົວໃຈສຳຄັນຂອງພວກເຮົາ ເພາະພວກເຮົາເຊື່ອໝັ້ນວ່າ 'ການປ້ອງກັນຄືຮາກຖານສໍາຄັນຂອງສຸຂະພາບທີ່ດີ'

ຄວາມພາກພູມໃຈ ແລະ ຄວາມເຂັ້ມແຂງຂອງພວກເຮົາຄືທີມງານບຸກຄະລາກອນທາງການແພດທີ່ມີຄວາມຮູ້ຄວາມສາມາດ ແລະມີຄວາມຊ່ຽວຊານສູງ. ພວກເຮົາບໍ່ເຄີຍຢຸດທີ່ຈະພັດທະນາທີມການແພດ, ພະຍາບານແລະ ຊ່ຽວຊານທຸກພາກສ່ວນ ທີ່ຮ່ວມງານເພື່ອໃຫ້ມີຄວາມພ້ອມໃນການມອບການບໍລິການທີ່ທັນສະໄໝ, ປອດໄພ. ດ້ວຍຄວາມຊື່ສັດ ແລະ ການໃຫ້ກຽດເຊິ່ງກັນແລະກັນພາຍໃນອົງກອນ, ແລະ 'ຄວາມເປັນມິດແລະເຊື່ອຫມັ້ນທີ່ດີລະຫວ່າງທີມງານການແພດ ແລະ ຄົນເຈັບ' ແມ່ນຫົວໃຈສຳຄັນທີ່ຈະນຳໄປສູ່ການຮັກສາທີ່ມີປະສິດທິພາບທີ່ສຸດ.

ສິ່ງທີ່ສຳຄັນທີ່ສຸດ, ພວກເຮົາເຊື່ອວ່າຄວາມໄວ້ວາງໃຈແມ່ນເກີດຂຶ້ນຈາກການຮັບຟັງ. ພວກເຮົາຂໍເຊີນຊວນທຸກພາກສ່ວນໃນຊຸມຊົນ ບໍ່ວ່າຈະເປັນພະນັກງານ, ຄອບຄົວ, ນັກຮຽນ ແລະ ຄູ່ຮ່ວມງານ ຮ່ວມແບ່ງປັນຄຳຄິດເຫັນ ແລະເຮັດວຽກຮ່ວມກັບພວກເຮົາ. ສຽງຂອງທຸກທ່ານຈະຊ່ວຍໃຫ້ພວກເຮົາພັດທະນາ, ສ້າງສັນນະວັດຕະກຳ ແລະ ຍົກລະດັບມາດຕະຖານໃຫ້ສູງຂຶ້ນ.

ທີ່ ສູນການແພດ ວັນ ເມດີຄໍ ແອນ ເວວເນັດ ເຊັນເຕີ, ພວກເຮົາບໍ່ພຽງແຕ່ໃຫ້ການບໍລິການທາງການແພດເທົ່ານັ້ນ, ແຕ່ພວກເຮົາມຸ່ງໝັ້ນທີ່ຈະສ້າງ "ວັດທະນະທຳແຫ່ງສຸຂະພາບ" ຈາກບ່ອນເຮັດວຽກສູ່ບ້ານເຮືອນ, ຈາກບຸກຄົນສູ່ຊຸມຊົນ ແລະເພື່ອຮ່ວມກັນສ້າງອະນາຄົດທີ່ເຂັ້ມແຂງ ແລະໃຫ້ທຸກຄົນມີສຸຂະພາບທີ່ດີຢ່າງທົ່ວເຖິງແບບຍືນຍົງ.